百芳池上便當 (上水廣場)

营业中

休息中

今早去農莊玩割菜，出返上水剛好食晏時間，揀咗百芳茶享用午餐。點咗個台灣鹽酥雞便當，除了鹽酥雞外，配料有粉絲，粟米肉碎，椰菜，口感豐富，啱哂每樣都想食少少嘅我。鹽酥雞香脆而不膩，有點喜出望外。粉絲微辣，很惹味，水準唔錯。另外加個鹵水拼盤，豬手係平時去台灣食嗰啲無乜肉，細細粒嗰啲，質感鬆軟，味美。其他正常發揮。肉燥青菜：可能因為淋咗肉燥汁，我個人黎講，覺得有啲油膩。碳焙烏龍：便當跟餐有3款茶飲，揀咗碳焙烏龍走冰，好飲。總括而言，價錢相宜，份量充足。