鮮芋仙 (創紀之城五期(apm))

营业中

休息中

暫時未有機會去台灣，唯有食下台式甜品緬懷一下。款式有兩大頁，好似好吸引咁。呢度以自助形式落單，鐘仔響既時候就可以去拎，唔洗企係度等。最後揀左芋薯圓Q麻糬牛奶冰+奶茶布丁 ($62+$8)望落去幾足料，每樣配料都有最少有2人份量。芋圓有台灣九份既味道，Q彈而有陣陣芋頭或地瓜香。呢幾粒橙色芋圓有餡，幾特別。紫色同白色長條形既芋圓就較有咬口。不同芋圓既形狀、口感同味道都有分別，食落無一般芋圓甜品咁單調。冬瓜凍口感好正常，唔會過硬，有淡淡冬瓜味。將牛奶冰同埋奶茶布丁混合一齊食，奶香味更出，更滿足。