一鼎‧台式火鍋 (將軍澳中心)

营业中

休息中

打邊爐啦喂！夏天最啱喺商場嘆住冷氣打邊爐！有個馬鞍山朋友介紹過呢間一鼎，咁啱將軍澳呢頭都有分店就一定要試吓👋🏻之前經過幾次都諗過買手搖，而家火鍋放題已經可以任飲真係超正，除咗穀飼和牛同生蠔係回本之選，飲肥仔水都飲飽了✌🏻港人最愛香水檸檬茶呢度任飲唔嬲，打邊爐食肉比較油膩，飲番杯酸酸甜甜檸檬茶清清口腔又繼續食肉啦，而酸辣嘅韓式拌麵都係唔錯嘅清新選擇👍🏻手搖當然都唔少得芝士奶蓋茶，用紙杯裝睇唔到奶蓋，但飲落非常棉滑，親純紅茶底就唔會太飽肚，留返啲戰鬥力食我最愛嘅特級牛舌，薄得來彈牙好香🙌🏻