滿香濃

营业中

休息中

最近北角開咗間新外賣小店，由居港台灣人創辦，主打台南關廟涼麵、多款滷水小食（有肉類亦有素食供應）以及特製自家飲品，價錢親民，地點方便，經過可以買返屋企食～ 小店採用台南特產嘅關廟麵，有超過50年歷史，不含任何防腐劑，麵條Q彈滑溜。濃香麻醬口味以古法石磨低溫研磨而成，味道濃郁，配上粒粒白芝麻，青瓜絲同蘿蔔絲，增添口感。全部小食嘅精髓在於秘製滷味汁，由20多種香料同調味料熬煮而成，古早味，微微甜，配返碗白飯應該會好正。豬手香糯嫩軟、豬元蹄肥瘦適中、雞翼嫩滑多汁，值得一試。另外有四款自家製茶飲，檸檬雪冬瓜亦採用新鮮檸檬調配，飲落清甜開胃，甜度適中，越飲越上癮，包裝精美，而且份量都唔少，性價比高。