稻埕飯店 (K11購物藝術館) (已結業)

近排發現佢哋有下午茶餐，只售$38。麵餐加埋台式飲品，真係仲抵過茶餐廳，就入去試吓。原來只有兩個餐係$38 ，但係品質都非常好。份量對於我嚟講都係啱啱好。我尤其係鍾意個滷肉麵配咗鵝油來撈($38)，真係好香。其他嘅茶餐大約$58-108，仲可以加追小食。牛肉麵($108)啲牛肉超正，佢哋用嘅係牛展，炆得好淋，用筷子篤落去都可以散。個湯嘅味道都好好，濃度適中。桂花胚芽米水啲桂花味好夠，我哋亦追加咗自家製台灣烤香腸，亦都好味。😋