影片
更多
2014-10-20
18939 浏览
很少机会去上海总会食饭，因为要搭上搭上搭上搭先可以订到位，只限会员嘛。一场嚟到梗系叫啲周围食到嘅嘢先试到功夫。菜单系咁嘅： 前菜：熏蛋 、马兰头 、脆缮 、醉乳鸽 、素鹅 、海哲头 汤：火瞳菜胆炖鸡 主菜：走油元蹄、 蜜汁火方、熏鸡、 清炒虾仁、炒桂鱼丝、 火丁甜豆 淀粉质：葱油伴面、锅贴 、素菜包 甜品 ：寿包 其实想拣一样话唔好食都好难拣，要拣最好，我拣蜜汁火方。个蜜汁同火腿咸甜互融，加片响铃夹在松软馒头里，咬一啖，自己哗咗一声。 炒桂鱼丝亦考工夫，起完肉仲要切丝，油泡到啱啱熟，唔系咁易。有人问，点解唔食鲥鱼呀？鲥鱼呢啲同榴梿一样，唔系人人食，而且好鬼贵，大围饭局都系commerical啲好。火瞳菜胆炖鸡，睇清楚，铺面的系一棵棵津白，唔好以为系翅，火腿好大条，只鸡好大只。元蹄，肉一般，层皮不得了。另一个哗点系葱油伴面，真系冇见过咁大盘，好香嘅葱、好香嘅油、好香嘅葱油，啲面虽然腍咗啲，但系都好食。 预18人份量，最后16人，食剩几个包，每位五百蚊。 有机会真系要搭上搭上搭上搭再去。
一场嚟到梗系叫啲周围食到嘅嘢先试到功夫。
菜单系咁嘅：
前菜：熏蛋 、马兰头 、脆缮 、醉乳鸽 、素鹅 、海哲头
汤：火瞳菜胆炖鸡
主菜：走油元蹄、 蜜汁火方、熏鸡、 清炒虾仁、炒桂鱼丝、 火丁甜豆
淀粉质：葱油伴面、锅贴 、素菜包
甜品 ：寿包
其实想拣一样话唔好食都好难拣，要拣最好，我拣蜜汁火方。个蜜汁同火腿咸甜互融，加片响铃夹在松软馒头里，咬一啖，自己哗咗一声。
炒桂鱼丝亦考工夫，起完肉仲要切丝，油泡到啱啱熟，唔系咁易。有人问，点解唔食鲥鱼呀？鲥鱼呢啲同榴梿一样，唔系人人食，而且好鬼贵，大围饭局都系commerical啲好。
火瞳菜胆炖鸡，睇清楚，铺面的系一棵棵津白，唔好以为系翅，火腿好大条，只鸡好大只。
元蹄，肉一般，层皮不得了。
另一个哗点系葱油伴面，真系冇见过咁大盘，好香嘅葱、好香嘅油、好香嘅葱油，啲面虽然腍咗啲，但系都好食。
预18人份量，最后16人，食剩几个包，每位五百蚊。 有机会真系要搭上搭上搭上搭再去。
张贴
