走咗上去大埔墟新街市
見到呢間突然咁多人即刻試吓佢
雖然多人但係去到侍應就即刻搵到位我哋坐食物嘅款式多到不得了
而且嗰度嘅氣氛好開心
當日都食咗好幾個小菜
每一碟上菜嘅時候都係熱辣辣
份量好多
食到五個人都要打包走
其中最推介就係冰鎮咕嚕肉同埋金榜題名蝦
冰鎮咕嚕肉
一上菜已經覺得佢做得非常好
超級細心會有隔等啲冰融咗嘅水可以留落下面而且將啲冰同咕嚕肉撈勻咗之後
啲咕嚕肉係好爽脆㗎
仲配埋小朋友鍾意嘅生果
金榜題名蝦
呢個係我到而家每日都朝思暮根日日都掛住嘅美食
首先啲蝦新鮮到不得了隻隻爽口
佢嘅煮法令到啲汁掛晒喺個蝦度
仲配埋炸饅頭
將個炸饅頭點落啲汁度簡直回味無窮
佢呢個汁簡直突破盲腸
絕對冇喺其他地方食過
通常美食都需要等待
所以佢海鮮等候嘅時間會比較長
因為大家絕對係為佢啲海鮮慕名而來
呢閒舖絕對係我會不停不停再返轉頭嘅舖頭
7
