敏華冰廳 (已結業)

下晝三四點 經過銅鑼灣 有啲肚餓 見到一間冰廳 即刻好想飲奶茶 就走咗入去呢一間敏華冰廳 入到去有啲肚餓就順便叫埋嘢食 買咗一個常餐 再加多個 自稱暗然銷魂飯 兩個人share。喺銅鑼灣呢啲冰廳定價都比較貴,一個常餐簡單一個叉燒湯意粉加腸仔炒蛋多士再加杯餐飲就要成六十蚊,其實真係有啲貴。不過喺銅鑼灣就冇辦法啦 ,但食物質素其實真係完全未到水平, 常餐都冇乜嘢好講正正常常冇乜特別,杯奶茶亦都唔係特別好飲,但係有咩導致我寫了一篇食評就係佢個叉燒蛋飯。用得黯然銷魂飯呢個名當然要一啖食落去就覺得好有感覺先可以用呢個名否則只會形成反效果。 而今次食到呢個飯簡直唔可以形容為叉燒蛋飯 更稱不上暗然銷魂飯。煎蛋 火候已過龍 完全冇滑嘅感覺, 叉燒 竟然係用豬頸肉去整 呢d所謂 著龍袍唔似太子 再加上 用嘅豉油亦都唔太靚 所以整個飯配合都好失敗, 建議佢唔好再用呢個名。