KIN x Good Burger (已結業)

之前到訪過KIN ，好欣賞佢地提供美食同時堅持減低對環境負面影響既理念☘️最近係相同位置有香港首間以可持續發展為主題既美式漢堡店 KIN x Good Burger Pop Up開始試業，一定要黎支持下🥰🔸芝士煙肉雙層脆邊牛肉漢堡漢堡扒採用100%草飼澳洲有機牛肉製作，smash過後扁平形狀口感更結實，仲有脆邊效果🙆🏻‍♀️法式牛油軟包鬆軟帶牛油香，煙肉肥瘦適中，加上芝士、生菜、蕃茄等傳統配料，每一啖都食到不同食材🤤另外亦可以加入自家調配素香辣沙律醬，味道更濃郁🔸環保魚柳漢堡魚柳使用可持續發展材料製造，大大塊炸完仍然保持多汁而肉質嫩滑，配上他他醬令鮮味更突出🔸脆炸雞塊使用走地雞製作既自家製脆炸雞塊，每一件都充滿肉汁，雞肉質感細嫩，係我地最鍾意既伴菜🏅🔸煙肉芝士薯條大大量芝士汁淋係幼身脆直薯條上面，再灑滿煙肉粒，每一條薯條都可以沾到醬汁唔使慳住慳住，邪惡但超吸引🧀🔸雲呢拿花生醬奶昔、曲奇忌廉奶昔自家製奶昔低脂健康，不同口味都好突出，尤其鍾意雲呢拿花生醬味花生香超級濃郁；而且質地較輕身不太濃稠，飲成杯都唔怕膩！