一郎 (已結業)

琴晚好想食拉麵, 所以去咗 ❥⧽一郎 ❥⧽食飯咯。餐廳環境好 cute, 牆上有漫畫繪畫, 我地張枱仲有隻公仔陪我地食飯, 消費滿 $𝟷𝟶𝟶 就有一個銀幣可以扭蛋, 好開心!𓊈黑郎君 ✧ 特製黑蒜拉麵 $𝟿𝟾𓊉湯底有超濃黑蒜味, 食食吓發現裡面仲有一片片嘅蒜片, 鐘意食蒜嘅朋友仔真係要試吓! 2 塊叉燒好粉嫩, 肉質非常軟腍, 好好食! 糖心蛋亦都整得好好, 全流心兼好入味。𓊈赤郎君 ✧ 激辛地獄拉麵 $𝟿𝟾𓊉呢個湯底對我呢d 幼兒班嚟講真係太辣, 如果鐘意食辣就啱曬, 味道香濃。麵條煮得剛剛好, 好味!𓊈紫芋薯餅 $𝟸𝟸𓊉紫芋薯餅外脆內軟, 咬落軟綿綿, 估唔到裡面有栗子粒, 味道好夾又增加口感!𓊈溫泉蛋冷豆腐 $𝟹𝟾𓊉豆腐好嫩滑, 凍嘅溫泉蛋凝固咗, 所以d 蛋漿唔會流走曬, 可以黐住個豆腐一齊食。𓊈靜岡蜜瓜梳打 $𝟸𝟼𓊉濃濃蜜瓜香味, 唔會太甜, 幾好飲!𓊈波子汽水 $𝟸𝟺𓊉波子汽水正常發揮, 好襯拉麵。♡♡ 整體嘅嘢食都好好呀, 環境幾舒適, 店員好nice, 可以再去食呀。