✎ 椒麻脆辣雞滑蛋(小辣)
個包既上面個半截烘到脆脆地，但係下面半截可能因為放入紙盒入面，焗住左，加上可能烘得唔夠硬，所以腍好多，差啲拎唔起，食起上黎有啲麻煩。不過個辣雞超大塊，表皮炸到好脆，肉又唔會太粉或者炸得太靭，幾好食😍而且食落唔算好辣，對於唔係好食得辣既人黎講都可以接受！入面仲有滑蛋，整體份量都幾多，食完都飽架🤣~
✎ 黑松露大啡菇滑蛋
兩塊大啡菇好多汁，好有菇味。蛋就滑嫩濕潤，反而黑松露味幾淡。不過整體黎講味道都唔錯，份量都好多，幾飽下😚
✎ 海苔薯條
薯條幾脆，蕃茄醬又夠酸，唔錯唔錯～
✎ 香辣雞粒
微辣，脆脆地！
✎ 紅西柚香橙凍頂烏龍
夠凍，味道飲落似西柚味加檸檬茶🤣
