八王子居酒屋 (已結業)

坐低后，我地6个人选择好想食既野后，就举手落单，有个貌似老板既男人走黎写单，跟住我朋友就喺佢身旁指佢想叫既食物，老板就好不礼貌地话：读岀黎啦！跟住朋友叫左两三样野后，老板就话：黎呢度当然要食八王子刺身料理啦！由于我地经已大概谂好左食咩，所以就话唔洗住。（佢立刻黑面）跟住再点多几样野食后，问佢啲串烧有几多旧，又好似嫌我地叫得少咁，话咩：你地够食咪得啰！老板之后行开左。我地经已唔系咁满意佢态度，跟住就到戏肉喇。黎左其中一碟野食，因为味道还好，我地想叫多碟，就同佢讲我地要多碟，佢直行直过，跟住再经过，我朋友问：我地要多碟咩咩卷，你听到吗？跟住佢好似发疯了咁话：我有耳朵嫁！我听到！跟住我忍唔住话：我朋友都系想确定你系咪听到，你如果听到可以答佢。跟住佢就连珠爆疯子上身咁：我就系咁串！！我喺度7年就系咁串！！你可以报警，你可以揾黑社会。。。跟住我地都冇谓同呢位老板嘈了。跟住我朋友就话：其他野唔要喇！老板大叫：你地单都要埋嫁！我地废事再同佢嘈，就快啲食完快啲走。Ps:由于俾老板咁样招呼，我地根本冇真正品尝食物，因此不作评论。