茶狼 (已結業)

成日见到有茶狼呢间店舖，今次终于有机会入去买返杯试下了！一见个餐牌，咦点解啲饮品又系主打水果茶、奶盖茶、同珍珠奶茶嘅。同好多其他同类型嘅饮料店都系卖非常相类同嘅饮品。既然之前试过喜茶，咁不如今次都叫返只水果沙冰X芝士奶盖做个比较先！今次点咗只叫蓝莓士多茉莉奶盖茶，即系蓝莓混士多啤梨再用茉莉花茶做个底打成沙冰，然后系面加层芝士奶盖。一饮都有好多果肉，个芝士奶盖都几香，虽然啲味唔及喜茶嘅浓，但都唔错，感觉好似无咁滞！建议下次饮时有得拣都拣少啲冰。少啲冰感觉饮嘅时候可以饮到多啲果汁同果肉，岩返我个人口味！