御滿屋日本料理

咁啱爸爸收早，我哋一家就出發去旺角食放題，呢間餐廳夠晒就腳，地鐵站E出口行20秒就到

我哋叫左套餐A，可以任食77款食物，未開始點嘢食，我就比部爆谷機吸引咗去咗𢳂爆谷食😋

呢度刺身壽司有多款選擇：希靈魚、三文魚、油甘魚、金䱽魚壽司、海膽手卷等等

不過今次我哋專攻熟食，推介惹味蒜蓉燒茄子、蒜蓉燒茄子、燒紐西蘭羊鞍、蒲燒鰻魚
我就最鍾意食虎蝦天婦羅，叫咗起碼8隻自己食

到甜品時間，成個甜品櫃同雪糕櫃，有我最愛嘅馬卡龍、哈蜜瓜西瓜、果汁雪條
最正係有得任食馬來西亞極品榴槤，夠晒榴槤香同Creamy，榴槤迷不容錯過