百樂門囍宴 (已結業)

星期日係家庭日，約左阿爸阿媽去呢間酒樓飲茶。人唔算太多，等左一陣已經可以入座。除左傳統點心外，叫左啲特色野食。點心拼盤：蝦餃、燒賣勁多蝦，都幾足料涼瓜墨魚餅：啲苦瓜好硬，好似無煮過咁。呢個米網炸蝦卷勁唔掂，紫色pat野，又無味，又淋bat bat，勁難食人蔘湯浸蝦餃：原來一客有四件，好彩只係叫左兩客。蔘湯都有蔘味，而且湯入面都有條幼幼地嘅蔘，配埋蝦餃，味道唔錯。最後呢個龍躉蒸飯，個飯係炒底，加埋蒜蓉、薑同蔥蒸，味道好香，而且啲魚蒸得啱啱好，好滑，真係好好味。