今日嚟呢度睇戲，見無人排隊就去試吓。
我叫咗豬耳、鴨血、鴨腎同通菜配王子麵
份量係比我想像中少，因為價錢都唔平。
無食過台灣分店，唔可以評價係咪同台灣一樣味。
以前去台灣旅行，出名嘅，街邊檔嘅滷味都食過，好唔好食唔好講，最起碼係有味。
我呢一碗，除咗個麵係好鹹之外，其他滷味係無味嘅。
鴨血係鴨血嘅味，鴨腎食到有雪藏果種味，通心菜白烚無味我都可以接受。唯一係豬耳，食到係有味（即係平時燒臘檔食到果啲味）
朋友果碗百頁豆腐+木耳+高麗菜+牛肚配王子麵，都一樣係麵底好鹹而配菜係無味。
另外再叫咗個芋泥肉鬆手抓餅。芋泥係落咗奶油同糖果種，個人比較鍾意100%嘅芋泥。
食完個肚好空虛咁🤣
