西門町台灣麵食 (已結業)

越黎越少出旺角食飯，因為旺角D野真係越黎越差勁之前見呢間西門町食評都唔錯又橫掂去開旺角，咪試一試結果又幾有驚喜等位等左好耐....我諗都有半個鐘有多鋪面比較細，等位既人已經唔算多只有幾枱人等位呢度做到一樣野相當難得就係任客人配搭既餐基本上任何野都可以轉款，只係補差價就OK～所以話就話係叫餐，其實就同散叫無乜分別～只係一定要叫咁多樣野，同埋平過散叫鹵水拼盤都幾靚仔～入面有鴨腎，蛋，牛肚，豆腐，大腸樣樣都係熱辣辣，唔係冷盤既就好似喺鹵水店入面叫既鹵味一樣腎，大腸，牛肚都好入味，好焾係豆腐就差D，始終係炸豆腐，入面無咁入味不過點D鹵水汁都OK涼拼茄子呢個就真係凍既茄子夠焾而且保持倒茄子味明顯唔係用水煮到無晒味果D亦唔油，應該係蒸熟再加調味汁雪凍既～都幾好味紅燒牛肉經典台食品，點可以唔食牛𦟌切成磚狀，但仍然係超焾同超入味～喺底既係白蘿蔔，清湯煮保留蘿蔔鮮味無渣夠甜，點埋個紅燒牛肉汁～正！肉燥飯真係驚喜，無諗過個肉燥會做得咁好個汁好香，有種特別既焦香味肉燥亦唔似用好多內臟既肉碎亦唔係出面果D啫喱汁總之就正啦！仲有飲品任揀（咩款都唔洗加錢）同埋甜品添飲品就無乜特架啦，都係一般台式飲品啦個甜品就趣怪