匠心燒味 (卑路乍街)

星期日夜晚唔知食乜好，
就選擇嗌咗個外賣返屋企食。
經過呢間燒味舖 ，
叫咗個叉燒燒鵝飯 ，雙拼$47。

啲叉燒係又柴又老又嚡 ，
硬到都食唔到 ，嗰邊仲有啲燒燶 ，黑咗
呢個叉燒，真心唔掂檔
最陰公係冇乜味，似係食緊硬豬肉 。

燒鵝就一般般 ，起碼冇臊味。
但都唔係好好食 ，啲皮都腍晒 。
燒鵝啲肉一樣係硬嘣嘣 ，非常之嚡 。

飯嘅份量就一般 ，唯一合格就係啲飯夠熱。
另外有條菜心 。

隔籬街燒味舖價錢差唔多 ，但係好食好多，
試咗一次，冇下次了！
絕對唔會再幫襯。