阿叔泰麵 (西菁街)

呢間船麵係朋友推介嘅，佢話食過好好食咁今日嚟到元朗就去試下。餐廳位於西菁街一排車房個邊，行到附近就比呢間店嘅外歡吸引住。

叫咗碗豬肉船麵，有豬肉片、豬肉丸、炸豬皮。豬肉丸正正常常，炸豬皮好脆亦好特別，但豬肉就好失望，好鞋好韌，仲有陣雪味，我估呢樣係冇人接受到嘅。但係湯底就幾濃，會令人想飲嘅。

豬肉船麵($60)
之後我同朋友講返，佢話上次食牛肉船麵係冇問題嘅。如果想試，建議叫牛肉千祈唔好叫豬肉！由於個豬肉片令我好失望，我只當今次係支持一下黃店。