影片
更多
2021-04-21
498 浏览
話說生日好想食片皮鴨，搵咗好耐終於搵到呢間利寶閣，好似話唔差，仲有任食片皮鴨，仲有和牛食，任食餐牌上每道菜式個名都好吸引，梗係即刻9衝去！去到。。e...食飯時間7:30得幾台既。心知不妙。一坐低就叫片皮鴨啦，點知。。要自己出去拎。。出到去又話隻鴨炸近，好啦，等到隻鴨出場，我地一台4個大人，分到一茶杯碟既份量(其實都唔緊要)，一咬落去，頂，凍既？冧既？真係好難食！（如果係為左任食片皮鴨而黎，真係唔好諗！）到第二樣主打，黑乜和牛。。第一碟。公道啲又幾靚既，到第二碟，黑色既？問個侍應，距既答案係：係禁嫁wo!係雪櫃拎出嚟放左幾個鐘係禁。唔係化？黑色wo?! 結果叫距收翻。。我地再提起勇氣叫多次！再黎。。又係黑色，呀姐塊面都係黑色，(再留意下，多數食客塊面，同我地都係一樣。。黑色)算了，最後叫埋其他野食:- 佛跳牆(每人送一小盅）。。好好味👍🏿（成餐飯只有呢個係叫好食，餐牌上9成都係入口即吐！）- 蒜蓉炒菜心 。 正常- 所有炸物 。。凍既，冧既(不要不要食！)- 燒肉 。 個肉係好食既，但個皮同個肉一樣係冧既！- 蒸水蛋。。好地地個蛋，上面加個”軒”汁🙄食近一pat乜禁- 蒸扇貝。。細細過
去到。。e...食飯時間7:30得幾台既。心知不妙。
一坐低就叫片皮鴨啦，點知。。要自己出去拎。。出到去又話隻鴨炸近，好啦，等到隻鴨出場，我地一台4個大人，分到一茶杯碟既份量(其實都唔緊要)，一咬落去，頂，凍既？冧既？真係好難食！
（如果係為左任食片皮鴨而黎，真係唔好諗！）
到第二樣主打，黑乜和牛。。第一碟。公道啲又幾靚既，到第二碟，黑色既？問個侍應，距既答案係：係禁嫁wo!係雪櫃拎出嚟放左幾個鐘係禁。
唔係化？黑色wo?! 結果叫距收翻。。我地再提起勇氣叫多次！再黎。。又係黑色，呀姐塊面都係黑色，(再留意下，多數食客塊面，同我地都係一樣。。黑色)
算了，最後叫埋其他野食:
- 佛跳牆(每人送一小盅）。。好好味👍🏿（成餐飯只有呢個係叫好食，餐牌上9成都係入口即吐！）
- 蒜蓉炒菜心 。 正常
- 所有炸物 。。凍既，冧既(不要不要食！)
- 燒肉 。 個肉係好食既，但個皮同個肉一樣係冧既！
- 蒸水蛋。。好地地個蛋，上面加個”軒”汁🙄食近一pat乜禁
- 蒸扇貝。。細細過手指公隻指甲，仲要係腥既！
- 豬腳薑。。無乜味
- 咕嚕肉。。正常。。。既。。
- 酸菜魚。。係用魚柳整，得一小口，無酸菜但有微酸，成碟芽菜。。食完都唔肯定食左乜。。
- 雞粥。。咸到呀媽都唔認得！
- 咋喳糖水。。無味，西米係一pat漿糊禁。
最後結論。。如果你唔想浪費食物，真係唔好去，因為基本上每一樣餸都只能淺嘗係一小口！(只有個湯同菜食得曬，其他食多啖都怕肚屙！
原諒我後知後覺去影相，因為成餐飯掛住xyz@due#%*
P.S. : 我地星期三HKD248/ppl，加埋茶錢同10% ，HKD304/位
值唔值得試自己決定啦，寫呢篇食評係真心唔想有人再中伏，呢間係食過最難食既酒樓😓
蒸蛋
14 浏览
0 赞好
0 留言
燒肉
9 浏览
0 赞好
0 留言
7 浏览
0 赞好
0 留言
张贴
