叫左個意粉同一份小食 意粉唔夠熱 但又唔至於難食既 普通咁喇
最期待其實係個三明治 見到廚房出左 但送左去另一張枱 心諗：明明係我地叫先 但隔離枱仲早過我地有得食 咁都唔緊要 繼續等喇 過左五分鐘度 終於送份三明治黎 但中間夾住雞肉 而我地明明order牛肉 原來係同岩岩個張枱調亂左 而人地又未開始食 個waitress就將兩份三明治調換返 其實個感覺真係好差 心諗隔左成五分鐘先拎返黎 就算人地未食 講野都可能噴左口水落去🤷🏻♀️ 個waitress完全冇打算幫我地換過份 算喇好快食完就走了 成餐飯既感覺極差 waitress又冇乜禮貌 總之係blacklist呢間野唔會再去了 祝大家唔好似我一樣中伏🤮
