影片
更多
2012-12-26
250 浏览
寻日(25-12-2012 Tue)圣诞节,约好男友人LKH一家,除o左佢细女LYY唔o黎得,女友人DC,男友人TC,J同男友共九人一齐o黎呢间食晚饭.我早就同老板娘book好位同o野食,o黎到.原来呢o度好细间,我o地坐低后,就同老板re-confirm menu,然后佢就将食物一一送上.1.送o既土耳其沙律全部都系菜,都好新鲜,淋o左啲一粒粒唔知咩o野o既香料,我感觉就类似食黑醋沙律,呢个OK冇问题.2.$108.00o既Şakşuka with Homemade Yogurt 茄子薯仔配自制乳酪我估唔到薯仔系薯条,茄子得好少, 乳酪酸甜度适中,其实我好似冇食到茄子.3. $185.00o既Manti Lamb自家土耳其羊肉饺子呢个卖相黑漆漆o既?好似炸过龙㖞,饺子够脆,今次食到羊膻味喇,LKH太太同DC都赞好食.4.$158.00o既Beef Şiş Kebab 3pcs 土耳其香草雪花牛肉3串呢个同老板娘re-confirm,一串有三件雪花牛肉,即系一人一件,o岩o岩好.而原来呢个除o左有土耳其脆薄饼外,重有一两个饭跟埋o黎.雪花牛肉都几厚,白雪雪o既乳醋味似我o地o系超市买
我早就同老板娘book好位同o野食,o黎到.原来呢o度好细间,我o地坐低后,就同老板re-confirm menu,然后佢就将食物一一送上.
1.送o既土耳其沙律
全部都系菜,都好新鲜,淋o左啲一粒粒唔知咩o野o既香料,我感觉就类似食黑醋沙律,呢个OK冇问题.2.$108.00o既Şakşuka with Homemade Yogurt 茄子薯仔配自制乳酪
我估唔到薯仔系薯条,茄子得好少, 乳酪酸甜度适中,其实我好似冇食到茄子.3. $185.00o既Manti Lamb自家土耳其羊肉饺子
呢个卖相黑漆漆o既?好似炸过龙㖞,饺子够脆,今次食到羊膻味喇,LKH太太同DC都赞好食.4.$158.00o既Beef Şiş Kebab 3pcs 土耳其香草雪花牛肉3串
呢个同老板娘re-confirm,一串有三件雪花牛肉,即系一人一件,o岩o岩好.而原来呢个除o左有土耳其脆薄饼外,重有一两个饭跟埋o黎.
雪花牛肉都几厚,白雪雪o既乳醋味似我o地o系超市买o既,.5.$185.00o既Mektup Böreği 8pcs自家土耳其乳酪芝士炸物拼盘
o衣o家睇返menu至发觉原来呢个得8件,不过唔知最后系咪都系得8件,我就食o左一件长条形o既,其实里面系咩o野馅?食o左一啖睇睇,系菜,但系咩o野菜呢?唔知,不过味道都唔错.而正方形o既呢?我好彩可以同男友两样都可以试半件,呢个同长条形o既好似冇分别㖞.6.$215.00o既Roasted Tender Chicken Stuffed with Red Rice in Mersin Style梅尔辛红饭酿烤嫩鸡全只
呢个除o左TC,J同DC未食过外,其他之前都食过,所以我只要一只.而今次系热腾腾同老板为客人切开,内里o既香草饭依然湿润,味道同上次食o既差唔多,不过o衣o家睇返只记起,今次好似漏畀乳酪.上次食评: http://www.openrice.com/restaurant/commentdetail.htm?commentid=2261223
7.$185.00o既Dolma Veg素菜酿西式椒
呢个同我第一次去土耳其妈妈厨房食o既一样,今次我就冇乜点食,只食o左少少饭,饭一样系有少少辣同湿润.上次食评: http://www.openrice.com/restaurant/commentdetail.htm?commentid=2238574
8.$215.00o既Osmanlı İmparatorluğu Ringa 奥斯曼帝国古法青鱼,要两碟
LKH太太因赶时间走,佢就第一个,一食就话系秋刀鱼,我都食,果然系.而呢个系将去o左骨o既鱼肉加上土耳其香料同松子提子干等材料制成,香料味道好抢,适量唔太甜o既提子干同松子令呢个鱼生色,配搭得几好.9.$238.00o既Mussels and Scallope with Tomatoes Soups - Domates Midye Bant土耳其香草青口带子配番茄海鲜汤
我系order一份,亦系o黎o左一碗,但冇谂过唔系预o左9人份,咁少边够我o地8个人分?( LKH太太有事已走先)唔通要一人一啖?老板好似听到我讲,佢就拎多一碗细o既o黎,LL就问问佢,佢就答啊,重有.最后畀o左一碗大两碗细我o地.但呢o度餐具唔够又系一个问题,冇碗,冇问题,我o地用胶杯当碗分o黎饮.
青口味道唔错,带子就一般,汤似唔辣罗宋汤不过唔太酸.
最后老板都识做,免费请我o地试食土耳其软糖,之前老板娘介绍过,佢o地将本应好甜o既软糖做到冇咁甜o黎就香港人口味,而呢晚只剩返玫瑰花味.
软糖正正方方又大粒,食落,口感都几烟韧但唔黐牙,玫瑰花味好浓郁,我食o左一粒觉得唔太甜.但大部份人已经话好甜.我食多一粒,嗯,系太甜,食埋第三粒就口渴啦.或者外国人真系食好浓o既o野.
环境:
好细,但仍坐得舒服,因为枱同凳o既高度同空间充足,而且就算老板炸一口饺子都冇油烟充斥.
总结:
呢一餐9个人食勉强食得饱,但我冇谂到老板娘帮我谂菜色时好似冇预到9个人食.
味道系3.55分
张贴
