影片
更多
2020-07-26
303 浏览
之前第一次写食评就贡献咗比platform，因为个Bagel同想像中太大出入，甚至强差人意。不过见到而家仍然有咁多人赞佢个Bagel好食，系好奇心驱使嘅情况下，决定再试多一次，睇吓𠮶一次系纯粹bagel处理得唔好，定系个bagel本身就系咬唔开同好韧。𠮶日就大概11点去到，因为佢话11点就开门，结果去到都系仲未开，作为之前做过饮食业都唔太钟意喺门口行来行去，咁样好似催紧佢哋开门咁样，所以就喺附近行咗一阵，最后大概系11:15开门俾我哋入去啦。______________________________环境方便：由于疫情关系都有提供足够嘅洗手液同埋会为客人量度体温，见到佢都有做足预防措施，绝对冇懒惰，依一个系值得称赞地方！👍🏻环境就唔多讲啦，同上次系冇乜大分别，主要系一张枱要四个人嘅关系，所以感觉比之前坐得舒适咗，梳落咗，空间感大咗好多。______________________________食物方面：上次第一次就食咗只牛油果烟三文鱼，今次第二次嚟到就决定试吓其他，所以就食咗The New Yorker 纽约客（$78），而佢个Bagel都系食返芝麻味，睇吓个包底同上次有咩分别。Th
𠮶日就大概11点去到，因为佢话11点就开门，结果去到都系仲未开，作为之前做过饮食业都唔太钟意喺门口行来行去，咁样好似催紧佢哋开门咁样，所以就喺附近行咗一阵，最后大概系11:15开门俾我哋入去啦。
______________________________
环境方便：
由于疫情关系都有提供足够嘅洗手液同埋会为客人量度体温，见到佢都有做足预防措施，绝对冇懒惰，依一个系值得称赞地方！👍🏻
环境就唔多讲啦，同上次系冇乜大分别，主要系一张枱要四个人嘅关系，所以感觉比之前坐得舒适咗，梳落咗，空间感大咗好多。
______________________________
食物方面：
上次第一次就食咗只牛油果烟三文鱼，今次第二次嚟到就决定试吓其他，所以就食咗The New Yorker 纽约客（$78），而佢个Bagel都系食返芝麻味，睇吓个包底同上次有咩分别。
The New Yorker纽约客🥯（$78）
The new yorker
21 浏览
0 赞好
0 留言
由于纽约客佢哋啲料比较多同高身，所以系有把刀插住用嚟固定食材。 第一眼见到佢已经好明显好过上次，就咁表面睇落去都有少少脆身，Bagel今次食落口嘅感觉冇咗以前烟韧到咬唔开𠮶种感觉，表面食落去有少少脆口，虽然唔太明显，同上次食落去争太远啦改善咗好多！但系始终都做唔到好烟韧𠮶一只bagel。
而且我反而觉得The New York仲好食，因为佢𠮶个蜜糖芥茉籽酱好开胃，酸酸未未咁，加埋啲烟熏牛肉，烟熏牛有少少黑椒味，两个味道加上嚟呢个配搭真系好夹，完全估佢唔到。
沙律仍然都做得唔错，都系仍然keep到水准，有好多唔同种类嘅菜，食落去有唔一样嘅口感，都系几满意。
咖啡方面☕️：
因为夏天太热所以就叫咗冻嘅 Long Black（$38），而且咁样可以比较清楚咁样试到啲咖啡豆嘅味。
Ice Long Black($38)☕️
佢提供嘅饮管应该系可以被生物降解得好快，饮管用𠮶时会比较容易啲烂，钟意咬饮管嘅大家就反而会觉得有啲辛苦啦，但系佢系环保上面为地球出一分力，大家希望大家体谅吓啦。
咖啡嘅味道初初饮初段有啲苦味，但系并唔系一啲好粗糙嘅苦涩味，尾段会有小小嘅柠檬酸，饮上嚟都好顺滑，整体来讲都好满意依一杯咖啡😊。
______________________________
总括嚟讲佢成个饮食体验比我第一次嚟𠮶时有大大嘅改善👍🏻👍🏻，但系又未做到最好食或者我最钟意𠮶种Bagel🥯。咖啡☕️都算做得唔错，系呢个价钱都算公道，冇话有啲over咗嘅苦涩味，饮落口系顺口嘅。
张贴
