出爐 (已結業)

將軍澳人一定知道日日·食良呢間‘全黃’嘅Food Court，全場100%由良心小店組成，所以特登去支持下。出爐係一間燒味小店，佢哋嘅招牌係煙燻燒鵝同燒腩仔，我嗰日就試左呢個雙拼飯。呢碟燒味飯賣相唔錯，煙燻燒鵝食落真係有陣煙燻味，冇令人失望，燒鵝上碟時仲係暖暖哋，皮脆有光澤，肉質入味，唔韌有彈性，不過我可能唔好彩，切俾我嘅燒鵝部位肉質扁身薄左少少。燒腩仔個皮好鬆脆，肥瘦適中，肉質鮮嫩。白飯粒粒分明，豉油汁甜甜地都唔錯。