老厝邊

营业中

休息中

🍴美食雲集嘅荃灣，俾老厝邊嘅招牌吸引住，三個大圈圈非常之搶眼，入面嘅裝修都充滿着古早味。座位都算多，有2層。食物同嘢飲嘅種類選擇都多，而且價錢親民。👍🏻🍽️眷村牛肉麵有3塊厚切嘅滷牛肉，牛肉滷得入味咬落唔會太韌，麵質偏滑，掛湯力尚可，湯底咸度適中，飲落好似有少少藥材味道。😋🍽️炸雞扒便當雞扒炸得外脆內嫩，保留到肉質，咬落去雞肉入邊仲會爆汁添😋除咗雞扒之外，仲瓜、豆芽、半隻滷蛋，非常之好送飯。🍽️海陸鹽酥雞拼盤除咗鹽酥雞之外，仲有炸魷魚、四季豆、魚板、年糕，個人最鍾意食年糕，外面脆脆地，內裏就軟軟糯糯，好有口感。🧋珍珠奶茶 珍珠黑糖鮮奶大大杯嘅珍珠奶茶，好貼心可以揀甜度同冰嘅份量👍🏻珍珠好有咬口，而且份量都多。