滾得囍宮廷火鍋小炒 (已改名) 查看

禁堂食之後好少出嚟食飯，難得放寬，即刻出嚟打下邊爐先！去左呢間叫滾得起嘅火鍋店，睇落有啲似古代裝修，仲有聖旨咁款嘅餐牌，玩味十足。我地先叫左個花膠雞湯底，花膠大大塊好足料。第一樣我地係飲啖湯先先，再滾下d雞先，d雞食落好有肉味，滾完雞個鍋d雞味更濃。我地兩個人，無叫好多野，但必叫嘅一定係呢道嘅牛，呢度嘅牛部位選擇都唔少，我地就簡左牛頸脊。牛肉厚薄適中，肉色鮮紅，脂肪分布平均。食落果然係和牛級嘅質素。之後我地仲叫左響鈴炸魚皮雙拼，兩款炸物都脆口唔油膩，想兩樣都試少少可以叫呢個。其他我地仲有叫聖子同墨魚丸，聖子新鮮，墨魚丸都係誠實之選。