影片
更多
2021-05-16
276 浏览
近排係社交平台經常見到呢間韓食出現💛今日專登慕名黎試下。留意返，鋪頭只有外賣無堂食架。韓式壽司見係最多人食，一定要試下先，叫左牛肉($43)所有款式價錢劃一。足足有12舊，份量十足，但調味唔太夠，飯壓得唔夠實淨，感覺似自家製。無骨原味炸雞 大 ($68)外賣嘅炸雞一定比堂食遜色，但遲左半個鐘食黎講都算脆口，建議可在盒頂開窿放水氣更佳。佢嘅炸雞應該算係比較健康，味道唔會好濃好咸，同埋應該係雞胸肉，無咁嫩滑juicy，不過亦減少罪惡感，唔油膩，個人幾鍾意，唯份量唔算多。如果想惹味啲可以試另一款甜酸。韓式炒粉絲($40)感覺同平時食嘅唔同，因為好多料😂同埋都係比一般嘅調味淡啲，但ok嘅，份量亦夠。整體感覺唔錯，兩個人150蚊左右，價錢合理亦夠食，試嘅食物口味都偏淡，個人幾喜歡👍🏻
韓式壽司見係最多人食，一定要試下先，叫左牛肉($43)所有款式價錢劃一。
足足有12舊，份量十足，但調味唔太夠，飯壓得唔夠實淨，感覺似自家製。
無骨原味炸雞 大 ($68)
外賣嘅炸雞一定比堂食遜色，但遲左半個鐘食黎講都算脆口，建議可在盒頂開窿放水氣更佳。
佢嘅炸雞應該算係比較健康，味道唔會好濃好咸，同埋應該係雞胸肉，無咁嫩滑juicy，不過亦減少罪惡感，唔油膩，個人幾鍾意，唯份量唔算多。如果想惹味啲可以試另一款甜酸。
韓式炒粉絲($40)
感覺同平時食嘅唔同，因為好多料😂同埋都係比一般嘅調味淡啲，但ok嘅，份量亦夠。
整體感覺唔錯，兩個人150蚊左右，價錢合理亦夠食，試嘅食物口味都偏淡，個人幾喜歡👍🏻
张贴
