友利冰室 x 勿當奴 (中海日升中心)

朋友話帶我去一間好好食的燒味店，仲話間店的燒味自家製作添。去到原來係友利冰室 x 勿當奴。餐廳分開左右兩邊，而收銀就係正中間，快餐店嚟講都真係好舒適乾淨。當日成2點半去先到，唔多人，坐位任你擇。

迷你叉燒煎日本蛋飯 - 叉燒半肥瘦肉相當腍，自家製醬汁帶點香甜味的，加埋太陽煎雙蛋，蛋汁撈飯啱哂，簡單好味。

富士蘋果伯爵茶 - 清甜中帶點淡淡的茶香味，飲唔晒仲可以帶走，好方便！