風雲丸

幾次路過都見點解咁多人架呢？( 無知婦孺的我)
今日晚飯時間路過見冇人排喎，店入面係滿。既然等一陣就有得食所以就去試。

睇完menu

決定同友人叫一個沾同一個拉麵。
唔想食唔晒啲麵，所以只叫左大盛。

石燒濃厚豚骨魚介味玉沾麵

$93

沾麵先黎。
石燒可以保持湯hot hot ,個人感覺好良好。
湯重魚味同有胡椒，香濃。
麵呢，佢話係麥麵。我食落就發現自己原來鐘意蛋麵多啲架。
個叉燒係毫無期望下食，發現豚肉味清新，肥瘦適中，幾唔錯。
落個檸檬就冇太大既分別。

豚骨魚介拉麵

$88

拉麵隨後送到。
簡單黎講，個湯就豚骨味多啲。
唔咸。冇乜話好特別。

食完個沾麵加左清湯飲多幾口。
魚味會再出啲。

食完飯埋單時餐廳俾左啲$20 cash coupon 下次食可以用。( 外面經已大排長龍)
基於平左$20既緣固，我覺得係可以encore!!!!!
如果冇coupon 既，我個人覺得佢個麵輸俾周月，但個叉燒有贏番小小分。
( 有藉口去食多次周月去補番個食評😎)