麻辣派對 (金百利廣場)

又黎啦，依家差唔多兩星期就黎食一次 因為真係好好食，每次同我黎食既朋友，都會再返黎食。今次試左新野! 口水雞!

# 雲南酸菜米線 # ***** * 6/10
唔算得別好食，酸菜唔係爽口脆嗰一種，而米線亦唔夠煙un，唔夠口感，但係叫左BB辣佢真係無乜辣，係好事 (因為其他食物叫左小辣)。花生夠脆係可取之處。

雲南酸菜米線

# 水晶粉 # ***** * 6/10
個湯底同個雲南酸菜米線既差不多，無乜太大分別，水晶粉即係紅薯粉，都係唔夠煙un，煮得可能太熟。無甚特別。

水晶粉

# 口水雞 # ***** *** 7/10
口水雞好嫩滑，係雞肶位，好香，小辣其實唔太辣，好味。如果口水雞上面加啲炸花生仲正。

口水雞

下次都係會嗌返我地最鍾意既鴨舌同埋生腸! 話唔定過兩星期又黎食啦!