車仔麵之家 (已結業)

上次食完，心掛掛又想食，今日仲貪心，又想番order上次嗰啲，又想試第2啲，最終叫左4個餸麵底，聽朋友講幼麵好食，今次點都要叫，$8細份，果然麵質煙韌，配佢既濃湯底，唔錯。炒魷魚，見佢貼左d報紙講到好出名，又好有研究入貨到處理，不過，比較失望，可能口感唔係我想像咁，對我嚟講比較硬， 我鐘意鬆碎d。豬大腸，比上次，今次的肥膏多左d, 但都好霖好入味。蘿蔔，好甜，吸左濃湯既味，好食!釀豆卜，兩次都好食，釀原個豆卜，吸湯得嚟口感幾好。豬紅，好似已經好like, keep到水準!整體都好食既，辣汁都好鐘意，叫小辣無上次咁辣。