小曼谷泰國美食 (已搬遷) 新店位置

今晚係慶祝男友人加薪大餐，特登揀左黎小曼谷食餐勁。門口有個公仔不斷招手，相信好多人行過都認得。餐廳環境以黃色為主，平日晚市相當多人，坐滿哂。小曼谷招牌海南雞，大食男友人叫左1隻，分兩碟上唔洗爭，配上特製酸甜醬汁，雞肉好嫩滑新鮮，雞皮又好味，一人食左半隻。椰青海鮮焗飯，賣相好得意，飯有香濃椰汁味，仲有提子乾喺入面，好有泰式風味！泰式拼盤，入面有蝦餅，魚餅，咖哩春卷等，好香脆，每款都係mega size，好抵食！點埋雞醬一齊食更好味。飲品叫左泰式奶茶，味道正宗！