White Hse. (已結業)

之前睇IG，見好多人都去銅鑼灣【White Hse.白房子】打卡，今次終於到我啦！白房子主打花牆同真花裝飾，而且食物都打卡able，實行可以又食又打卡。 二重奏忌廉煙肉芝士短管麵：忌廉偏甜，但一D都唔heavy，芝士都算好多，而且短管麵非常有咬口。上面有D蔬菜同食用花裝飾，好靚！ 來自地獄的意粉：唔食得辣唔好叫！！本身以爲係微辣蒜香意粉，但原來都幾辣下，有少少微酸，比較似Tabasco味。辣得幾過癮！ 玫瑰花漾紅茶：用玫瑰糖漿冲既茶，微甜、好香。非常少女心！ 蝶豆花綠茶：味道比較似蜂蜜綠茶。外表漸變好靚好少女心，不過味道就無咩特別。 餐廳主食澱粉類比較多，其他肉類、小食比較少。繁忙時間用餐時間75分鐘。去之前如果有concern可以留意下。