影片
更多
2021-06-11
197 浏览
之前成日k11經呢間蛋糕店都見到佢地嘅蛋糕好靚好多款式，原來屯門都有佢地分店。今次買左個蛋糕當係預早慶祝父親節。間店嘅裝修好靚，有佢地店嘅卡通人物令成間店都好繽紛。今次即場買的話嘅款式都好多，喺門口揀左一陣，好彩店員都好有耐性咁介紹，原來每個蛋糕公仔都有佢嘅故事，今次最後揀左嘅長頸鹿高高($388)，都係因為愛食Mango所以叫「高高」。個蛋糕嘅外貌係可愛嘅長頸鹿，以朱古力海棉蛋糕為主，配住裡面有3層嘅芒果乳酪慕絲，味道較濃味但唔會膩口，同埋其中嘅慕絲層仲會加放左芒果爆珠，令食嘅時候更有層次，同埋個人比較中意係個餅底果層，用左甜甜嘅草莓脆底。整體嚟講，味道唔可以話好有驚喜，不過價格唔算特別貴，但係如果買黎送人，收到嘅人見到咁靚嘅蛋糕絕對會好開心！
之前成日k11經呢間蛋糕店都見到佢地嘅蛋糕好靚好多款式，原來屯門都有佢地分店。
今次買左個蛋糕當係預早慶祝父親節。
間店嘅裝修好靚，有佢地店嘅卡通人物令成間店都好繽紛。
今次即場買的話嘅款式都好多，喺門口揀左一陣，好彩店員都好有耐性咁介紹，原來每個蛋糕公仔都有佢嘅故事，今次最後揀左嘅長頸鹿高高($388)，都係因為愛食Mango所以叫「高高」。
個蛋糕嘅外貌係可愛嘅長頸鹿，以朱古力海棉蛋糕為主，配住裡面有3層嘅芒果乳酪慕絲，味道較濃味但唔會膩口，同埋其中嘅慕絲層仲會加放左芒果爆珠，令食嘅時候更有層次，同埋個人比較中意係個餅底果層，用左甜甜嘅草莓脆底。
整體嚟講，味道唔可以話好有驚喜，不過價格唔算特別貴，但係如果買黎送人，收到嘅人見到咁靚嘅蛋糕絕對會好開心！
张贴
