蟹慶 (已結業)

生日週黎啦，陸續有好多不同的朋友約我食好野，今次就黎到呢間食蟹的餐廳。餐廳以日式裝修為主，一入門口就見到裝著蟹的魚缸。我地安排坐卡位，座得舒適又有私隱度。我們兩個人點了特選會席套餐，食到好飽好滿足。蟹肉三文魚籽沙律，沙律顏色好colourful，又紫色綠色咁，用上沙律醋，味道酸酸的，好開胃。除了有沙律，還有漬物牛蒡和螺肉，兩者都爽身，口感十足。甲羅燒配多士，甲羅燒的蟹膏配上脆卜卜的多士，食落濃味，口感十足。黑魚子海膽蟹肉蒸蛋，蒸蛋面頭有海膽、黑魚子和蟹肉，蛋內有紫蘇葉和白果，口感幼滑鮮甜。香箱蟹，不時不食，呢個季節最岩就係食香箱蟹，即係松葉蟹蟹乸。香箱蟹主要食蟹籽和蟹膏，師傅已經將兩者拌勻，而且將蟹肉和蟹籽放於蟹蓋入面，一半半咁，好靚，而且放得滿滿。鹿兒島A5和牛，和牛入口即溶，牛肉味重，而且幾juicy，估唔到除左蟹，牛肉都咁好食。松葉蟹釜飯，呢個飯有店員幫忙拌勻三文魚籽、蔥花、黑松露、蟹肉，還會分埋兩碗俾我地，飯鮮甜又有口感，不錯。抹茶奶凍及蕨餅，奶凍幼滑，有淡淡抹茶味，加上紅豆的點綴，小小甜，味道不錯。而且仲有我最愛食的蕨餅，清清地又煙韌。