南記粉麵 (域多利皇后街)

今晚本小姐又要開夜 南記係快靚正之選 春捲小鍋米線 係我其中一個最愛 耐唔耐就會好想食好掛住酸辣湯底 真係好抵呀 成交價都係三十幾蚊 我記得 第一次食嘅時候 應該係唔駛三十蚊 冇辦法啦乜都加價 鋪租都可能佔好多 好啦 講番個米線先 其實佢嘅酸辣湯 酸味較多嘅 對於唔係咁鍾意食辣嘅人又鍾意酸嘅人真係不二之選 佢個湯底其實仲會跟酸菜同埋腐竹 腐竹喺湯度就勁入味 酸菜嘅咸道適中 春捲仲有 四條 份量都算係唔錯 米線分量都算多 有時唔係太肚餓 都會食唔曬 整體嚟講性價比超高 一定會成日幫襯