飲茶

之前見朋友面書post 咗d食物相出嚟, 又有點心又有冷盤又有小炒d 賣相好得意好靚, 以為佢哋去左某酒店的中菜部食嘢。一問之下原來去左尖沙咀飲茶,  我問:「咁都俾個舖名嚟先得嘛?」友說: 「咪就係叫〈飲茶〉囉!」 趁男友做完個大project 有時間, 卜定枱拉佢陪我去試下~~

地點唔難搵, 在THE ONE 對面之嘛~~

一坐低見到菜單上有款豬頭包好得意都想試ga, 叫「一籠八戒」可惜只係午市供應...下回請早喇
問定有咩好食咁唔怕伏啦佢推介: 流奶 (流沙奶黃包)、羽衣金蘭 (薑汁香蒜炒鬼佬芥蘭) 同近朱者赤 (咸魚雞粒炒飯)。

游然自得

要做到嘔奶效果, 就要趁熱辣辣時晌佢面篤個窿, 輕輕按就會嘔出奶黃喇

好爽嘅菜, 侍應話呢種菜平時用來整沙律生食ga, 但炒過都一樣爽脆。我同男朋友都好鐘意呀! 淨返最尾果箸大家都想食, 要猜包剪揼羸左先有得食

見到d紅色素食落又無乜味, 我哋都有d擔心, 侍應解說係落左紅菜頭炒, 咸魚雖然細粒d, 但咬到同埋味夠香!

多DD麻醬更佳

雖然雞件上有刨冰, 但酒味都一樣濃郁, 可是比較多碎骨, 希望店方會改良一下啦!

涼的, 泮碟的醬汁好好味

叫左六款食物, 睇落雖然係細細碟, 但好足料, 飽到食唔落甜品!! 有個花花形嘅糕我想試ga, 
下次可以帶意見多多嘅屋企人黎再試其他食物!!