影片
更多
2018-08-05
1471 浏览
一行7人，正宗7咀8舌選擇食咩，最後決定試私房菜，左揾右揾，俾我揾到煮宮。預約時，服務態度都好舒服，我仲要叫錯人地個名，一接通就問人地係咪"宮煮"("公主") , 心諗改個名咁得意既呢~ 一坐低就有餐單上無既餐前小食：椒鹽豆腐(正) 已經食唔停口跟住就上第一個砵酒焗軟殼蟹，每人一份，幾特別既煮法，然後再上紅棗翅群燉響螺，又係正野，好甜，好夠味，有d唔捨飲晒再嚟就係金稻牛柳粒，個樣好得意，無諗過牛柳粒可以咁煮法，最正既係牛柳粒好軟熟，平時中餐我唔係咁中食牛柳粒都忍唔住夾多2粒跟住係煮宮汁煮虎蝦，跟埋個炸曼頭，隻蝦好大隻同好新鮮，雖然好貼心咁準備左刀叉俾我地，但係都忍唔住落手食，原汁原味！ 食到呢度差唔多了，quota有限丫嘛，呢個時候竟然嚟個菜，花膠浸菜苗，好啦，夾2條啦，點知又停唔到手，包埋個底, d花膠好彈牙，配埋個菜一齊食，好過隱架~大家都好期待食乳鴿(秘製妙齡乳鴿) ，我反而對乳鴿無咩期望，因為出品最好食乳鴿既雍雅山房已經結業了••• 又一道令我忍唔住落手食既一道菜！ 驚喜位在於皮脆肉嫩，連d軟骨位都好稔，真係"乳"鴿嚟架！！！最後由呢個濃湯花甲泡飯作為終結，呢個泡飯，真係
預約時，服務態度都好舒服，我仲要叫錯人地個名，一接通就問人地係咪"宮煮"("公主") , 心諗改個名咁得意既呢~
一坐低就有餐單上無既餐前小食：椒鹽豆腐(正) 已經食唔停口
跟住就上第一個砵酒焗軟殼蟹，每人一份，幾特別既煮法，然後再上紅棗翅群燉響螺，又係正野，好甜，好夠味，有d唔捨飲晒
再嚟就係金稻牛柳粒，個樣好得意，無諗過牛柳粒可以咁煮法，最正既係牛柳粒好軟熟，平時中餐我唔係咁中食牛柳粒都忍唔住夾多2粒
跟住係煮宮汁煮虎蝦，跟埋個炸曼頭，隻蝦好大隻同好新鮮，雖然好貼心咁準備左刀叉俾我地，但係都忍唔住落手食，原汁原味！
食到呢度差唔多了，quota有限丫嘛，呢個時候竟然嚟個菜，花膠浸菜苗，好啦，夾2條啦，點知又停唔到手，包埋個底, d花膠好彈牙，配埋個菜一齊食，好過隱架~
大家都好期待食乳鴿(秘製妙齡乳鴿) ，我反而對乳鴿無咩期望，因為出品最好食乳鴿既雍雅山房已經結業了••• 又一道令我忍唔住落手食既一道菜！ 驚喜位在於皮脆肉嫩，連d軟骨位都好稔，真係"乳"鴿嚟架！！！
最後由呢個濃湯花甲泡飯作為終結，呢個泡飯，真係好正，一定要試，連唔食貝殼類既朋友都話, 可惜真係太飽了，只能夠食一碗••••
呢間私房菜都值得推薦，坐得舒適，唔迫夾，野食又好味，大家都有讚無彈，朋友都話我無揀錯，借小店邀左一功
张贴
