金泰館

終於黎試呢間泰國菜, 在街市熟食中心裡面, 所以唔會有冷氣, 坐既環境唔會太好

一坐低就送上冬瓜湯, 湯有D咸, 但兩大塊冬瓜的確消暑

叫左個$36的午餐, 要金邊粉, 轉左要蝦, 唔洗加錢

等左10分鐘左右就有得食~~

好大碟, 女仔兩個人SHARE都夠食! 

蝦有5隻, 比想像中新鮮, 好多粉, 酸甜度適中, 唔會太濕或者太乾身

令我諗返起去泰國旅行時食過的地道口味, 絕對比某些大商場裡的泰菜餐廳的更好食!!

期待下次再黎食