Lucky Smash (已結業)

又到咗同朋友睇戲前覓食嘅時間喇〜睇戲前想食少少嘢，買戲飛行兩個街口就見到好有外國feel嘅漢堡店，同好抵嘅價錢，所以比佢吸引咗嚟買原來係Burger Joys嘅副線嚟我哋嗌咗兩個餐，跟餐有汽水同薯條，因為怕唔飽加個熱狗都只係10蚊雙層芝士牛肉漢堡餐漢堡扒冇筋，濃濃哪黑椒香味，一咬落去啲肉汁標晒出嚟，好滿足！值得一讚係佢個包装，雖然有好多肉汁但係我隻手冇污糟過牛肉漢堡餐唔好見佢細細個，其實啖啖肉。相比起雙層芝士牛肉漢堡，呢個牛肉漢堡成個感覺清新好多，亦都突顯左牛肉嘅香味熱狗個熱狗賣咁平，我本來對佢係冇乜期望嘅，覺得淨係會求其比個包我夾住條腸加啲茄汁就算。點知打開有驚喜，熱狗個樣靚靚仔仔，醬汁似蜜糖芥茉，而且有好多生菜絲。薯條薯條係即炸，又熱又香脆，份量好多兩個人都食唔晒。重點係！舖頭一啲都唔孤寒，薯條份量咁多都比足茄汁，估唔到有六包咁多，啱晒我呢啲冇茄汁唔識薯條嘅麻煩人。 $176兩個人食咁多嘢真係好抵總括而言，佢嘅食物品質同價錢同CP值都會令我回頭，即使係一間外賣店。