朱敏記桑拿菜 (已搬遷) 新店位置

其實食過好多次，今次想介紹埋朋友一齊食，但上openrice見倒三連負評真係驚驚哋，但無理由三二個月無去就爭咁遠㗎，咁諗住人少少就去食啦唔好味都唔會比人小得咁甘...一早訂左胡椒豬肚粉腸湯，呢個係必飲嘅，真係有好多餸又好味，不過如果有埋酸菜就更加好。之後叫咗個酥炸牛腩，一個炒菜，一個蜆蒸蛋同蝦龍仔飯都好味，同埋有朋友生日送多咗個壽包俾我哋。其實去咗咁多次食物都真係唔錯，不過水準有時唔穩定，我平時成日食蝦仁炒蛋，但我朋友是就話麻麻哋，佢之前都試過嘅。所以要保持水準穩定好緊要。同埋要讚佢哋嘅就係服務真係唔錯，不過希望佢可以喺門口加多塊玻璃之類嘅嘢，如果唔係喺門口食煙嘅人嘅煙味坐門口個一兩台係好辛苦嘅。