怒茶巷 (已結業)

久不久就會去葵芳廣場掃下街，每次見到都會有新野想試，今次就試呢間手搖飲品，怒茶巷。地方比較隱蔽，喺3樓嘅食嘢area最入嘅地方摩登世界入邊。一去到門口就見到好多anson lo 😂 餐牌選擇唔算太多，啱晒我呢啲有選擇困難症嘅人，有趣嘅係凍飲反而平過熱飲，而且全部同一個size。 平均價錢都係每一杯$30左右，比起而家出邊嘅飲品舖頭價錢爭得遠，而且份量都大杯，性價比相當高！蜜柑大馬士革$27： 係蜜柑果汁配上玫瑰花茶，叫咗少甜，感覺上啱啱好，仲會食到一粒粒蜜柑果渣，清新而且感覺適合女仔。芝士四季春茶$28：芝士厚厚一層係四季春茶上面，要飲幾啖先飲得到下面啲茶，好慷慨！咸味啱啱好，而且都冇香精嘅味道，絕對合格有餘！又平又大杯，啱晒on budget嘅我！