舖頭裏邊一直播住kpop，好有feel❤️🔥用手機落單，基本上咩都有得食，炸雞、燒烤、麵、煎蛋捲，送酒一流！
我地一行二人叫咗辣炒小章魚五花肉、芝士吞拿魚蛋卷、招牌炸豬腳、甜米露。
一坐底上泡菜是基本吧，跟住就有新鮮熱辣辣章魚五花肉，其實唔算好辣，炒得幾入味，仲有椰菜，份量好足。
芝士吞拿魚蛋卷超級巨型，切開即刻見到芝士拉絲，應該無人會唔中意食。
最後上枱係招牌炸豬腳，配咗生菜俾係包住一齊食，仲有辣醬同介末醬。豬腳炸到超脆，肥瘦肉分佈適中。我哋一致認為呢個最好食！
埋單人均二至三百蚊，食得飽環境又正，下次會再嚟飲酒🍻
