養生糊甜品專門店 (已結業)

一直都好鐘意食傳統中式糖水，但要系香港搵到好味嘅中式糖水有d難，誤打誤撞入左呢間糖水舖，覺得系其中一間好味嘅中式糖水舖。《生磨芝麻合桃糊》（加湯圓）$31呢碗嘢芝麻味好濃，唔系個d好稀，用即沖芝麻粉溝出黎嘅糖水，絕對系生磨嘅。食落口糊嘅質地好滑順，芝麻味好出好濃，再加埋合桃糊，淡淡嘅合桃味，非常之夾。而粒爆餡嘅芝麻湯圓都好好食，鐘意食芝麻嘅人，一定要加湯圓！《生磨蛋白杏仁露》$26呢碗嘅杏仁味都好香好濃，入口都系好順滑，而且都系食得出系生磨，無渣流灘，自然嘅杏味而唔會過甜，食落去好潤喉，食曬成碗都唔覺得膩，系暫時食過最好味嘅杏仁露。養生糊甜品專門店嘅中式糖水相當出色，而且價錢親民，CP值高，如果系附近食完飯，可以黎食返碗糖水！