韓食家 (已結業)

又到了午餐啦．今日真開心一大班同事一起出去食．大家一志決定去試下呢間韓食家．到步既時間大約係一點鐘左右，唔需要等位．大家坐底睇下Menu傾下計，我自己就叫左個飯餐跟柚子茶．湯個湯好水，好似水加胡椒粉咁．味道算一般．泡菜水左少少，味道唔算辣．柚子茶唔算好甜，柚子唔多，可接受啦．石頭泡菜豬肉飯石碗夠熱，自己張D汁同飯餸撈埋一起之後，食落都幾辣下，不過辣得黎算幾好食．仲算畀佢攞返個尾彩．午餐黎講，唔算太貴，中等啦．韓國嘢黎講就真係一般．麻麻地啦．