翠華餐廳 (已結業)

下午時間行過附近諗住搵嘢食， 咁就不如食翠華啦！ 坐低嘅時候剛剛兩點未到下午茶時間， 食唔到下午茶唯有就散叫！ 點了一個炸醬麵， 一碟瑞士汁乾炒牛河。 基本上我係翠華嘅炸醬麵粉絲， 我覺得佢哋整得好好食， 首先佢嘅肉一啲都唔硬身， 酸酸甜甜嘅味道控制適中， 而佢魚湯入面還有雲吞， 真係好好味！而瑞士汁乾炒牛河今次第一次試， 竟然有驚喜， 大大碟瑞士汁乾炒牛河好好味啊， 還有加埋芥末醬和辣醬， 第一次用芥末醬食乾炒牛河， 原來味道都非常之襯！ 牛肉嘅份量亦都相當之多， 兩碟好足料又美味！餐廳座位亦都非常舒適只係店員服務態度一般， 又係一啲茶餐廳通病， 永遠想要一杯水都要問幾次！