金記冰室 (建新中心)

去完浸會醫院探病，揾地方醫肚，行過對面商場見到金記冰室招牌，究竟依家開咗幾多間金記？不過眼見好多人響門口等，原來仲要攞飛等位，好彩一個人好快有位，但係要同人搭枱，係一張4人卡位再加一張枱，其實可以坐6人，對面坐了三位，反而我一個人坐另一邊三人位。

叫咗佢哋嘅精選小菜晚餐，D5：豆腐斑腩煲，$88，奉送白飯、例湯，跟檀島咖啡或香滑奶茶，凍飲+$3，紅豆冰加$13，我叫了中湯，凍檸茶。

豆腐斑腩煲

中㳭

豆腐斑腩煲，上枱時一開蓋仲吱吱聲，冒起白煙，紅燒豆腐，一咬開裏面仍然熱辣辣，但又好滑身，斑腩外皮脆漿不會過厚，魚肉仍算嫩滑，又沒有過多汁，幾好；中湯應該係老黃瓜湯，都算係咁上下。

凍檸茶

凍檸茶，夠凍夠甜。