影片
更多
2018-04-02
1614 浏览
去完沙田行街，上网睇吓有乜食，系讨论区见有人介绍，影埋相有蚝有鲍鱼任烧任食好似好抵，又话佰几蚊任食，就决定试吓，由市中心专登行约二十几分钟去到，一望8点未到系黄金时间但四份一客都无就心知不妙，心谂一场行到嚟就试一下，坐低先知$138只系任食串烧，$238先系任食海鲜，同每人只包两包/枝饮品(无乜选择：可乐/枝装水/不知名芒果汁，啤酒要加钱但我哋唔饮所以唔记得加几钱)｡心想$238会有鲍鱼同蚝又算数照样帮衬，结果行去自取鱼池就只有虾、各种蚬贝类东西、几条活鱼同几只半死水蟹…鲍鱼同蚝就无，见到比我哋早嚟嘅客枱面有鲍鱼壳，应该要第一轮先有之后就唔使谂有得食，我哋食到十点埋单都无再出过，真系怀疑网上有人影到各种海鲜摆齐晒话任选系自已人摆拍，串烧食品又系几串几串咁补，串烧食品种类已经唔系乜贵嘢都咁孤寒，海鲜类更加唔使谂会补鲍鱼或新鲜贵嘢俾你，最后见到得死虾同反肚鱼，系刚入座时攞咗一条唔知乜名嘅活鱼去俾佢哋即㓥即烧之后，第二次再攞条鱼去之后就一去不返，追问全场唯一一个哥哥仔伙计，都系机械式回覆"好快，就有"﹐结果一粒钟后我埋单都无㓥到出嚟，我见之前㓥鱼个位人兄就坐系大排档出面食烟，根本无心再㓥鱼俾
心想$238会有鲍鱼同蚝又算数照样帮衬，结果行去自取鱼池就只有虾、各种蚬贝类东西、几条活鱼同几只半死水蟹…鲍鱼同蚝就无，见到比我哋早嚟嘅客枱面有鲍鱼壳，应该要第一轮先有之后就唔使谂有得食，我哋食到十点埋单都无再出过，真系怀疑网上有人影到各种海鲜摆齐晒话任选系自已人摆拍，串烧食品又系几串几串咁补，串烧食品种类已经唔系乜贵嘢都咁孤寒，海鲜类更加唔使谂会补鲍鱼或新鲜贵嘢俾你，最后见到得死虾同反肚鱼，系刚入座时攞咗一条唔知乜名嘅活鱼去俾佢哋即㓥即烧之后，第二次再攞条鱼去之后就一去不返，追问全场唯一一个哥哥仔伙计，都系机械式回覆"好快，就有"﹐结果一粒钟后我埋单都无㓥到出嚟，我见之前㓥鱼个位人兄就坐系大排档出面食烟，根本无心再㓥鱼俾人食，环境系𠮶种又随便又污糟又无人理嘅自生自灭式任食型舖头…
我食完其实无乜心机写食评，只俾想食嘅人一句：俾得$238去食放题好过食呢间嘢几十倍！(补充：我发觉好多台客都系似头一次帮衬，因为都系坐低先知$238, 当中又多人问点解无补充食物，估计嚟过嘅人都无下次，系好似我哋第一次帮衬先会中招！)
张贴
