麻辣派對 (金百利廣場) (已結業)

最近變左麻辣控，成日想周圍搵麻辣菜，川菜之類既餐廳，前日lunch 就去左呢間麻辣派對，估唔到佢午餐既性價比都幾高，幾十蚊一個餐，有飯有餸有飲品，仲有糖水!我地叫左個四川口水雞水晶粉 (幾乎係川菜必食)，仲有個水煮魚(係招牌菜) 同埋一個回鍋肉，午餐可以揀跟飯或米線，我地都係揀白飯。水晶粉好正，有咬口又唔會到攰都未爛，湯底好味，口水雞啖啖肉又惹味!水煮魚係真盧魚，好鮮味，我地揀bb辣 (仲有 小 中大，唔同辣度揀)，唔算好辣，但都有辣味既!回鍋肉，我就欣賞d椰菜多d , 肉有點肥!甜品好似係指定綠豆沙，好甜好味，仲有桂花香。