麗香園冰室 (大窩口商場) (已結業)

下午兩點諗住落街在附近食午餐下午茶，通常會去紅X, 阿媽突然話食過一間都唔錯，喺大窩口商場上邊叫麗香園冰室海南雞飯套餐，真心唔錯雞肉嫩滑，加埋醬油薑油，再一口油飯，yummy 公司三文治公司三文治就梗係勁多料啦，餐肉厚到呢，烘底之後完全增加左成個口感層次生炸雞髀即食麵配火腿烚旦沙律雞髀應該係即叫即炸嘅，雞皮勁脆，雞肉仲保持到好Juicy, 火腿蛋沙律份量極度足夠最後仲要食返個西多士西多士中間夾咗一層花生醬，加埋牛油糖漿，今次肥死啦紅豆冰點少得叫番杯下午茶特飲紅豆冰，即刻諗返起細個阿媽帶我地去嗰啲細細間茶室